Fréttabréf fastanefndar framkvæmdastjórnar ESB gagnvart Íslandi og Noregi,   26. mars 2009

ESB gegn mansali Framkvæmdastjórn ESB hefur samþykkt tillögur að nýjum reglum sem gefa svigrúm til hertra aðgerða í baráttunni gegn mansali, vændi, misnotkun barna og barnaklámi. Nái tillögurnar fram að ganga verður réttur fórnarlamba aukinn, refsiramminn hertur til muna auk þess sem rýmkað verður um heimildir til að fylgjast með refsiverðum athæfum á netinu. Einnig verður komið á fót mun sérhæfðari meðhöndlun kynferðisbrotamanna en það sem tíðkast í dag. Komið hefur í ljós að tæpur helmingur fórnarlamba mansals eru neyddir út í vændi og eru 98% fórnarlambanna ungar konur eða stúlkur. Einnig hefur komið í ljós að rúmur fimmtungur kynferðisbrotamanna sem sakfelldir eru, eru líklegir til að endurtaka glæp sinn síðar á ævinni. Lesið meira hér. Evrópubúar með mestu farsímanotkunina Evrópubúar eiga heimsmet í farsímanotkun. Farsímaáskriftir á hvern íbúa mælist í Evrópu 119% af heildarfólksfjölda, sem er umtalsvert hærra hlutfall en í Bandaríkjunum (87%) og í hinu tæknivædda landi Japan (84%). Kostnaður farsímanotkunar verður sífellt minni milli ára. Þetta hefur meðal annars leitt af sér að á meðan hagvöxtur í heiminum mælist undir einu prósentustigi er vöxtur í farsímaiðnaðinum mun kröftugri (1.3%). Lesið meira hér.   Ár nýsköpunar í Evrópu Árið 2009 er ár nýsköpunar í Evrópu og standa fundarraðir sem skipulagðar eru um þetta málefni, nú sem hæst. Tilefni fundanna er meðal annars að vekja athygli á þeim mannauð sem hægt er að nýta til nýsköpunar og verða skipaðir sérstakir sendiherrar málefnisins sem munu vekja athygli á mikilvægi menntunar á þessu sviði en framkvæmdastjórn ESB hefur lagt til að nýsköpun verði ein af grunnstoðum menntunar í framtíðinni. Lesið meira hér.   Ráðleggingar um góða stjórnunarhætti hvað laun forstjóra fyrirtækja varðar Ráð vegna evrópskra stjórnunarhátta hefur gefið út ráðeggjandi yfirlýsingu varðandi laun og þóknanir forstjóra fyrirtækja.  Er sú skoðun sett fram að taka eigi tillit til raunárangurs fyrirtækisins þegar laun forstjóra eru áætluð. Einnig er lagt til að biðlaun forstjóra verði einskorðuð við tvö ár og að ekki eigi að veita biðlaun ef uppsögn hefur átt sér stað á grundvelli lélegrar frammistöðu. Lesið meira hér.   Ransóknir á berklum styrktar af ESB Haldið var í vikunni upp á hinn alþjóðlega berkladag (24. mars). Framkvæmdastjórn ESB hefur í gegn um tíðina veitt yfir 11 milljónum evra í rannsóknir á berklum og þróun berklalyfja. Þann 19. mars síðastliðinn glitti í árangur af því starfi þegar tilkynnt var um uppgötvun á nýju lyfi sem sýnir mikla möguleika á bata. Lyfið er það fyrsta sem kemur fram í yfir 40 ár sem talið er líklegt að geta unnið á sjúkdómnum. Lesið meira hér.   Iðnaðarframkvæmdir í ESB Iðnaðarframleiðsla jókst alls um 1.3% á evrusvæðinu í janúar 2009 miðað við mánuðinn á undan og um 1.8% innan alls Evrópusambandsins á sama tímabili. Mest jókst framleiðsla í Slóveníu (22.4%) og á Spáni (7.8%). Þá jukust byggingarframkvæmdir einar og sér um 1.8% innan ESB, samanborið við samdrátt um 2.8% í desembermánuði á síðasta ári. Lesið meira hér.   Bókmenntaverðlaun ESB Bókmenntaverðlaun Evrópusambandsins verða í fyrsta sinn veitt í september á þessu ári. Á dögunum var sérstök dómnefnd skipuð fyrir þau 12 lönd sem taka þátt í fyrstu umferð verðlaunaafhendingarinnar. Markmið verðlaunanna er að varpa ljósi á þá fjölbreytni og auð sem liggur í evrópskum nútímabókmenntum og styðja við dreifingu og sölu bókmennta milli ríkja sambandsins. Lesið meira hér.   Hagræðing í landbúnaði ESB (18/3) Vel þykir miða áfram í markmiði framkvæmdastjórnar ESB að draga úr skriffinnsku í landbúnaði um 25% fyrir árið 2012. Ef fram fer sem horfir mun þetta þýða hagræðingu fyrir bændur, fyrirtæki á matvælamarkaði og alla stjórnsýslu sem tengist landbúnaði. Enn frekari hagræðing þykir  líkleg til að spara hundruðir milljóna evra fyrir evrópskan landbúnað og auka samkeppnishæfni hans til muna. Lesið meira hér.   Eurostat um vinnumarkaðinn (16/3) Atvinnuleysi jókst um 0.3% undir lok síðasta árs samkvæmt nýjustu mælingum Eurostat. Mesta atvinnuleysisaukning milli ársfjórðunga mældist á Spáni og í Lettlandi. Lesið meira hér.     Fleiri fréttatilkynningar frá framkvæmdastjórn ESB.

Áhugaverðar útgáfur Smelltu hér til að finna bæklinga og annað upplýsingaefni um ESB

Til að hætta í áskrift að fréttabréfinu smelltu hér www.esb.is