Fréttabréf

fastanefndar framkvæmdastjórnar ESB gagnvart Íslandi og Noregi,

6. nóvember 2008

Sendiherrann bloggar - ný bloggfærsla  
Percy Westerlund, sendiherra fastanefndarinnar sendi á dögunum frá sér bloggfærslu þar sem hann fjallar um viðbrögð leiðtoga Evrópu við efnahagskrísunni. Lesið meira hér.

Stækkun ESB: Balkanskaginn á réttri leið
Framkvæmdastjórnin hefur gefið út árlega greinargerð um áætlun varðandi stækkunarstefnu ESB. Að auki er þar birt samantekt á þeim árangri sem náðst hefur í aðildarundirbúningi Tyrklands og ríkja á Vestur- Balkanskaga. Lesið meira hér.

Tveggja ára efnahagsspá ESB
Efnahagsspá fram til ársins 2010 var birt á dögunum. Í henni kemur fram sú spá að hagvöxtur innan ríkja ESB fyrir árið 2008 verði 1,4%, eða helmingi minni en hann var árið 2007, og að hann muni fara niður í 0,2% áður en birta fari til aftur árið 2010. Góðu fréttirnar eru hins vegar þær, að verðbólgu er spáð minnkandi. Lesið meira hér..

Evrópska ungmennavikan 2008
Dagana 2-9 nóvember verður evrópska ungmennavikan haldin í fjórða skiptið víðs vegar um Evrópu. Þar gefst ungmennum tækifæri á að taka þátt í pólitískum umræðum og menningarviðburðum. Að auki verður haldin ráðstefna í Brussel á sama tíma, þar sem að ungt fólk fær tækifæri til að ræða við fulltrúa framkvæmdastjórnarinnar og Evrópuþingsins. Lesið meira hér.

Barroso um aðgerðir í fjármálakreppunni; atvinnuvegirnir og heimilin í forgang
Forseti framkvæmdastjórnarinnar lagði í vikunni fram stefnumótandi tillögur um aðgerðir í fjármálakreppunni. Barroso kynnti áætlun sem miðar að því standa vörð um fjölskyldur og  atvinnuvegina. Frekari tillögur í þessum efnum verða kynntar þann  26. nóvember nk.  Lesið meira hér.

Samkomulag um fiskveiðar
Framkvæmdastjórnin fagnar nýlegum niðurstöðum alþjóðafiskveiðiráðsins, en þar var meðal annars ákveðið að skera niður leyfilegan hámarksafla á ýmsum tegundum og að skerpa enn frekar reglur sem snúa að brottkasti. Að auki var ákveðið að ráðast í aðgerðir til að koma í veg fyrir frekari ofveiði á túnfiskstofninum. Lesið meira hér.

Möguleiki á nýju samstarfi á sviði grænnrar orku
Þreifingar eru í gangi um að koma á fót nýjum samstarfsvettvangi á sviði umhverfisvænnar orku, sem mun fá heitið European Energy Research Alliance. Samstarfið myndi meðal annars leitast við að gera Evrópu að leiðandi afli í nýtingu á nýjum orkugjöfum. Lesið meira hér.

Evrópusambandið og alþjóðaviðskipti
Út er komin ný skýrsla á vegum framkvæmdastjórnarinnar sem skoðar stöðu og styrk ESB í alþjóðaviðskiptum. Þar kemur meðal annars fram að ESB hefur haldið markaðshlutdeild sinni býsna vel þrátt fyrir aukna samkeppni í alþjóðaviðskiptum. Til dæmis varpar skýrslan ljósi á þá staðreynd að ESB heldur sínum hlut sem stærsti útflytjandi framleiðsluvara í heiminum. Samt sem áður þarf að setja meiri kraft í fjárfestingar og framleiðslu á sviði hátækni, segir í skýrslunni. Að auki dregur skýrslan fram mikilvægi þess að stefna að aukinni markaðshlutdeild ESB í Asíu. Lesið meira hér.

ASEM ráðstefna í Peking
Evrópskir og asískir leiðtogar hittust í Peking á dögunum á svokallaðri ASEM ráðstefnu, sem að haldin er á tveggja ára fresti. Tilgangur ráðstefnunnar er að efla pólitísk-, efnahagsleg- og félagsleg samskipti á milli ríkja í heimsálfunum tveimur. Á ráðstefnunni var m.a. lögð fram sameiginleg yfirlýsing um sjálfbæra þróun. Lesið meira hér.

Framkvæmdastjórn ESB og Kúba ákveða að sættast
ESB og Kúba gáfu nýverið út sameiginlega yfirlýsingu þar sem fram kemur að þessir aðilar hyggjast taka upp þráðinn á ný í samskiptum sínum og stefna á enn betra samstarf, til dæmis á sviði umhverfismála, tækni og viðskipta. Á sama tíma var tilkynnt að framkvæmdastjórnin hefði lagt tvær milljónir evra til hliðar til að aðstoða við enduruppbyggingu á Kúbu eftir eyðileggingu fellibylanna Gustav og Ike. Lesið meira hér.
 

Rafvæðing opinberra innkaupa
Framkvæmdastjórnin ætlar að kanna hver reynslan hefur verið af tilraunum með rafræn opinber innkaup innan EES-svæðisins. Kostnaður við opinber innkaup er allt að 16% af vergri landsframleiðslu. Að þeim sökum er talið mikilvægt fyrir samkeppnishæfni Evrópu að draga verulega úr öllum kostnaði við innkaup og leitast við að nútímavæða markað fyrir opinber innkaup enn frekar. Lesið meira hér.
 

Aukinn réttur afleysingafólks
Evrópuþingið hefur samþykkt tilskipun framkvæmdastjórnarinnar um betri kjör afleysingafólks. Þessi tilskipun mun meðal annars tryggja að afleysingafólk njóti sömu kjara og fastráðnir starfsmenn, bæði hvað varðar laun og félagsleg réttindi. Lesið meira hér.

Aukning í einkalífeyrissparnaði
Samkvæmt niðurstöðum nýrrar rannsóknar er viðbótar lífeyrissparnaður einstaklinga að aukast í Evrópu, þrátt fyrir að umfangið sé mjög mismunandi á milli landa. Þessi þróun mun að líkindum auka enn á þörfina á frekari samvinnu milli aðildarríkja sambandsins, meðal annars til að tryggja betri aðgang að sparnaðarmöguleikum og samræmdari löggjöf á þessu sviði. Lesið meira hér.
 

Baráttan gegn mansali
Evrópusambandið hefur lengi beitt sér í baráttunni gegn mansali. Nýlega lagði sambandið fram tillögu um heildstæða lagasetningu í þessum efnum, en ennþá virðist bilið á milli lagasetningar og framkvæmdar of mikið að mati ESB. Lesið meira hér.
 

Á réttri leið með Kyoto
Útreikningar sýna að ríki ESB er á réttri leið með að ná fram markmiðum Kyoto-samkomulagsins um að draga úr losun gróðurhúsalofttegunda. Þetta kemur fram í ársskýrslu framkvæmdastjórnarinnar um losunarheimildir. Lesið meira hér.

Áhugaverðar útgáfur

Smelltu hér til að finna bæklinga og annað upplýsingaefni um ESB

 

Til að hætta í áskrift að fréttabréfinu smelltu hér

www.esb.is