 Fyrir
áhugamenn um fiskveiðistefnu ESB: Mikilvægar breytingar
í farvatninu
Framkvæmdastjórnin hefur lagt fram nýja reglugerð
ráðherraráðsins sem gæti stuðlað að mjög mikilvægum
breytingum á sameiginlegri fiskveiðistefnu ESB. Ef að
reglugerðin nær fram að ganga mun hún fela í sér almennt
nútímalegra fiskveiðistjórnunarkerfi, einfaldara regluverki,
nýjar skilvirkari refsiaðgerðir og aukið vægi
framkvæmdastjórnarinnar í fiskveiðistjórnun sambandsins.
Miklar vonir eru bundnar við þessar tillögur og full ástæða
fyrir áhugamenn um fiskveiðistefnu ESB að gefa tillögunum
gaum.
Hér má nálgast tillöguna í heild sinni. Lesið meira
hér.
 Áætlun
um öruggari
niðurrif skipa
Framkvæmdastjórnin hefur kynnt áætlun sem á að stuðla að
öruggari niðurrifi á skipum, en á milli 200-600 skip eru
tekin í sundur og notuð í brotajárn á hverju ári. Þessi vinna á sér
aðallega stað í S-Asíu, þar sem að skortur á náttúruvernd og
öryggisstöðlum stofnar bæði lífríkinu og fólki í
hættu. Auk þess að setja strangari reglur og auka
eftirlit þegar skip eru tekin í sundur, miðar áætlun
framkvæmdastjórnarinnar að því að aðstoða ríki við þjálfun starfsfólks,
bæði hvað varðar öryggi og eftirlit. Lesið meira
hér.
 Sjávarútvegsráðherrar
ESB funda
Sjávarútvegsráðherrar ESB ríkjanna hittust í vikunni og
ræddu ýmis lykilmálefni í útgerðarmálum. Til dæmis náðist
samkomulag varðandi vernd þorsksstofnsins og um aðgerðir er lúta að brottkasti. Að auki
voru voru línurnar lagðar fyrir samningaviðræður við Noreg
sem að framkvæmdastjórnin mun sjá um fyrir hönd ESB í næstu
viku. Lesið meira
hér.
 Betri
framkvæmd umhverfislaga
Framkvæmdastjórnin hefur sett fram áætlun um að bæta
framkvæmd í kringum 200 lagagerða er varða umhverfisvernd.
Er þetta hluti af áætlun um að bæta
og einfalda framkvæmd laga og regluverk
ESB, sem tilkynnt var um árið 2007. Vegna þess
hve
umhverfismálin eru oft á tíðum viðkvæmur
málaflokkur, er samvinna við aðildarríkin sérstaklega
nauðsynleg, enda nauðsynlegt að tryggja að lög um
umhverfisvernd séu tekin upp á
réttan hátt og á réttum tíma. Lesið meira
hér.
 Frjálst
flæði vinnuafls er gott fyrir atvinnulíf í Evrópu
Í nýrri skýrslu frá framkvæmdastjórninni kemur fram að
farandverkamenn frá þeim ríkjum sem að gengu inn í ESB 2004
og 2007 hafa haft jákvæð áhrif á efnahagslíf
sambandsins. Að auki kemur fram í skýrslunni að vinnuframlag þeirra leiði
að jafnaði til aukins
hagvaxtar
gestalandsins, án þess að það hafi merkjanleg áhrif á
atvinnutækifæri eða kjör starfsmanna í
landinu. Lesið
meira
hér.
 Búferlaflutningar
innan ESB árið 2006
Eurostat hefur birt samantekt á fjölda innflytjenda
innan ESB fyrir árið 2006 sem að áhugavert er að skoða. Þar
kemur m.a. fram, að 40% innflytjenda innan ESB árið 2006
komu frá öðrum aðildarríkjum, en hin 60% skiptust mjög jafnt
á milli Asíu, Ameríku, Afríku og Evrópuríkja
sem standa utan ESB. Pólverjar
fluttust mest búferlum. Að auki vekur athygli að 60%
allra innflytjenda árið 2006 fluttust til þriggja landa: Spánar,
Þýskalands og Bretlands. Lesið meira
hér.
 Aukið
öryggi í orkuframleiðslu
Framkvæmdastjórnin hefur lagt fram tillögu sem
vonast er til að muni auka öryggi og stöðugleika hvað
varðar orkumál í Evrópu. Tillagan leggur til
grundvallar samstöðu aðildarríkjanna í orkumálum og því að
fjárfestingar í þróun á umhverfisvænni
orkugjöfum aukist. Þessi áætlun er í takt við fyrri áætlanir ESB um
aðgerðir gegn loftlagsbreytingum. Lesið meira
hér.
 Endurkoma
bognu gúrkunnar
Reglur sem að segja til um stærð og lögun ávaxta og
grænmetis verða fljótlega úr sögunni. Aðildarríki ESB hafa
samþykkt að afnema ákveðna markaðsstaðla á 26 tegundum
ávaxta og grænmetis, en það þýðir að setja má afurðir sem að
falla ekki undir þessa staðla á markað, án tillits til
stærðar þeirra eða lögunar. Lesið meira
hér.
 Ný
vinnumarkaðskönnun: Minnkandi bil kynjanna
Bilið á milli hlutfalls vinnandi karla og kvenna fer
minnkandi innan ríkja ESB, samkvæmt nýrri könnun frá
Eurostat. Árið 2000 voru karlmenn 17,2% fjölmennari á
vinnumarkaðnum, en þetta hlutfall er nú komið niður í 14,2%.
Mun fleiri konur en karlar eru þó í hlutastörfum, þar sem að
munurinn er 23,7% og breytist lítið. Lesið meira
hér.
 Aukið
eftirlit með matsfyrirtækjum
Framkvæmdastjórn ESB hefur samþykkt tillögu um nánara
eftirlit með gerð greininga um mats- og lánshæfis í
viðskiptalífinu. Tillögurnar eiga einkum að
stuðla að því að auka vernd fjárfesta, auka gegnsæi og koma
í veg fyrir hagsmunaárekstra sem upp geta komið þegar matsfyrirtæki
bregða sér einnig í hlutverk ráðgjafa. Lesið meira
hér.
 Fiskveiðikvótinn
fyrir næsta ár
Framkvæmdastjórnin hefur lagt fram tillögur að kvóta fyrir
helstu fiskveiðistofna ESB í N-Atlantshafi
fyrir árið 2009. Tillögurnar verða í framhaldi af því teknar
fyrir á fundi sjávarútvegsráðherra aðildarríkjanna, sem fram
mun fara í desember. Í tillögum framkvæmdastjórnarinnar er
tekið mið af vísindalegum
ráðleggingum ýmissa sérfræðinefnda, sem og tillögum
hagsmunaaðila. Samkvæmt tillögunum mun þurfa að draga
verulega úr veiði á næsta ári, til að vernda fiskistofna. Lesið meira
hér.
|
