Fréttabréf fastanefndar framkvæmdastjórnar ESB gagnvart Íslandi og Noregi,   13. mars 2008 Vel sótt ráðstefna um áhrif Evrópuþingsins og evrópskra þjóðþinga á ákvarðanatöku í ESB/EES (10/03) Um 60 manns sóttu ráðstefnu fastanefndar ESB og utanríkismálanefndar Alþingis um áhrif og stöðu evrópskra þinga á vettvangi ESB/EES. Þingmenn frá Evrópuþinginu, norska Stórþinginu og Alþingi héldu framsögur og í lokin spunnust líflegar umræður í pallborði. Erindi og nánari umfjöllun um ráðstefnuna er að finna hér.  Stuðningur við breytingar á landbúnaðarstefnu ESB (13/03) Almenningur í löndum ESB er hlynntur þeim breytingum sem hafa orðið á landbúnaðarstefnu ESB á síðustu árum, en þróunin hefur verið frá niðurgreiðslum og styrkjum til framleiðslu í átt að beinum styrkjum og ýmis konar stuðningi við uppbyggingu á landsbyggðinni. Yfirgnæfandi meirihluti er einnig fylgjandi reglum um minni stuðning við bændur sem ekki framfylgja stöðlum um umhverfisvernd, matvælaöryggi og meðferð dýra. Lesið hér. ESB leiðtogar og aðilar vinnumarkaðarins ræða framtíð Lissabon-áætlunarinnar (13/03) Helstu leiðtogar ESB og fulltrúar evrópskra atvinnurekenda og launþega hittust í dag, 13. mars, til að ræða næstu skref í Lissabon-áætlun ESB um bætta samkeppnishæfni. José Manuel Barroso, forseti framkvæmdastjórnar ESB, sagði af því tilefni að Evrópa yrði að leggja áherslu á að skapa ný tækifæri og ný störf en um leið að tryggja að réttindi launþega yrðu ekki fyrir borð borin. Samráð aðila á vinnumarkaði væri lykillinn að árangri. Lesið meira hér. Rannsókn á hamingju vinnur til evrópskra verðlauna (12/03) Evrópsku vísindaverðlaunin 2008 voru veitt nýlega og meðal verðlaunahafa var hin ítalska Luisa Corrado, sem hlaut viðurkenningu fyrir rannsóknir sínar á tengslum efnahags og hamingju. Evrópsku vísindaverðlaunin eru veitt ár hvert fyrir framúrskarandi vísindastarf innan ramma rannsóknaáætlana ESB. Lesið meira hér um verðlaunin og verðlaunahafana.   Hert löggjöf gegn skipum sem menga (11/03) Franco Frattini sem fer með innanríkis- og dómsmál í framkvæmdastjórn ESB hefur lagt fram tillögur að hertri löggjöf gegn skipum sem valda mengun. Langstærsti hluti flutninga og veiða á sjó fer fram með ábyrgum hætti, en ávallt eru dæmi um einstaka aðila sem sýna gáleysi eða brotavilja í meðferð hættulegra efna og geta með framferði sínu valdið miklu tjóni á lífríki sjávar. Lögunum er m.a. ætlað að herða refsingar við slíkum brotum. Lesið hér. Einfaldara regluverk fyrir fyrirtæki og athafnalíf (10/03) Framkvæmdastjórn ESB hefur lagt fram tillögur sem miða að því að einfalda regluverk og minnka skrifræði í starfsumhverfi fyrirtækja og athafnalífs í Evrópu. Tillögurnar eru hluti af markmiðum ESB um að minnka skrifræði í starfsumhverfi fyrirtækja um 25% fyrir árið 2012 og skapa með því hagstæðari skilyrði fyrir vöxt og verðmætasköpun. Lesið hér. Evrópsku neytendaverðlaunin og dagur neytenda 15. mars (10/03) Evrópskur dagur neytenda verður haldinn hátíðlegur 15. mars n.k. og í tilefni að því voru í fyrsta sinn veitt sérstök evrópsk neytendaverðlaun. Öllum aðildarríkjum ESB, auk Íslands og Noregs, var boðið að senda inn tilnefningar í keppni um bestu neytendaherferð ársins. Fyrstu verðlaun féllu Finnlandi í skaut fyrir sniðugan vefleik fyrir unga vefneytendur. Einnig hlutu keppendur frá Írlandi, Noregi, Ungverjalandi, Bretlandi og Eistlandi viðurkenningar. Lesið hér.

Mikill meirihluti Evrópubúa hlynntur byggðastefnu ESB (07/03) Um 70% íbúa ESB-ríkja segja að byggða- og svæðastefna ESB hafi haft jákvæð áhrif, samkvæmt niðurstöðum skoðanakönnunar Eurobarometer. Byggðastefna ESB hefur að markmiði að stuðla að efnahagslegum og félagslegum jöfnuði milli ólíkra svæða og landshluta í Evrópu og árlega er 30-35% af heildarfjárlögum ESB varið í þennan málaflokk. Í könnuninni kemur fram að almenningur vill að byggðastefnan leggi megin áherslu á mæta áskorunum hnattvæðingar, loftslagsbreytinga og breyttrar aldurssamsetningar þjóða Evrópu. Lesið hér.  Aðkoma kvenna að öryggismálum (6/3) Aðkoma kvenna að friðar- og öryggismálum var meginefni fundar kvenleiðtoga sem Benita Ferrero Waldner, sem fer með utanríkismál í framkvæmdastjórn ESB, stóð að.  Meðal leiðtoga sem þátt tóku í ráðstefnunni voru Ingibjörg Sólrún Gísladóttir utanríkisráðherra. Í ræðu sem Margot Wallström, varaforseti framkvæmdastjórnarinnar hélt á fundinum kom fram að hugmyndin um aukna aðkomu kvenna að friðar- og öryggismálum væri ekki ný af nálinni. Grikkir til forna hafi m.a. vísað til þess að það væri "aldargamall sannleikur" að kvenleiðtogar væru oftar en ekki boðberar friðar og öryggis. Lesið ræðu Wallström hér. ESB óskar eftir viðræðum innan WTO vegna meintra brota Kínverja (03/03) Yfirvöld í Kína koma í veg fyrir að erlendar upplýsingaveitur á sviði fjármálaþjónustu geti starfað með eðlilegum hætti á kínverskum markaði, að mati ESB. Bæði ESB og Bandaríkin hafa farið fram á viðræður á vettvangi  Alþjóðaviðskiptastofnunarinnar (WTO) um meint brot Kínverja á reglum WTO. Lesið hér. Myndir frá heimsókn Geirs H. Haarde til Brussel (27/02) Hér má finna myndir af fundum Geirs H. Haarde 27. febrúar sl. með forseta framkvæmdastjórnar ESB, José Manuel Barroso, og utanríkismálastjóra framkvæmdastjórnarinnar, Benita Ferrero Waldner.   Áhugaverðar útgáfur Smelltu hér til að finna bæklinga og annað upplýsingaefni um ESB

Fastanefnd framkvæmdastjórnar Evrópusambandsins, Klingenberggatan 7A, 5. hæð, 0161 Osló, Noregi. Grænt númer: 800 8116. Sími: (+47) 22 83 35 83. Bréfsími: (+47) 22 83 40 55.  Tölvupóstur: europakommisjonen@ec.europa.eu www.esb.is