Fréttabréf fastanefndar framkvæmdastjórnar ESB gagnvart Íslandi og Noregi,   28. febrúar 2008 Ef þú getur ekki opnað póstinn smelltu þá hér Fastanefndin er flutt í nýtt húsnæði að Klingenberggatan 7A, 5. hæð, 0161 Osló. Öruggara internet fyrir börn Framkvæmdastjórnin hefur lagt fram tillögur um aðgerðir sem miða að því að gera internetið öruggara í notkun fyrir börn og ungmenni. Aðgerðaáætlunin, sem kosta mun ESB yfir 55 milljónir evra, er lögð fram í beinu framhaldi af  áætlun um sama efni sem hrint var í framkvæmd árið 2005. Miðað að því að tillögurnar verði hafðar að leiðarljósi við gerð rammaáætlunar á þessu málefnasviði.   Microsoft og ESB: Framkvæmdastjórn ESB mun áfram sekta til Microsoft fyrir brot sín Framkvæmdastjórn ESB hefur ákveðið að halda áfram að sekta hugbúnaðarfyrirtækið Microsoft, þrátt fyrir að fyrirtækið hafi á sínum tíma brugðist við dómi sem féll í máli gegn því árið 2004. Svör við því af hverju framkvæmdastjórn ESB hefur ákveðið að halda málinu til streitu, ásamt öðrum algengum spurningum í þessu máli, sem margir telja gefa skýrt fordæmi, má nálgast hér.   Hübner um atvinnuþróun í dreifbýli norður Finnlands: Frumkvæði og nýsköpun til fyrirmyndar. Danuta Hübner, sem sér um málefni byggðastefnu í framkvæmdastjórn ESB, lét þau orð falla í undirbúningi fyrir þriggja daga ferð til strjálbýlla héraða í norður Finnlandi, að sá kraftur sem ríkir á sviði nýsköpunar meðal margra héraða í norður Finnlandi væri til fyrirmyndar. Hübner mun í för sinni til Finnlands m.a. heimsækja Rovaniemi, sem er bær sem náð hefur að afla sér veglegra tekna með því að auglýsa sig sem heimabæ jólasveinsins.   Framkvæmdastjórnin leggur fram tillögu um ríkisfjárfestingasjóði Framkvæmdastjórn ESB hefur lagt fram tillögu sem miðar að því að samræma reglur um meðferð ríkisfjárfestingasjóði. Tillagan miðar að því að auka gegnsæi og öryggi er við kemur rekstri ríkisfjárfestingasjóða (sovereign wealth funds). Umfjöllun um tillögu framkvæmdastjórnarinnar má nálgast hér en einnig má nálgast svör við algengum spurningum um ríkisfjárfestingasjóði og hvaða hlutverki þeir gegna, hér.   Evrópudómstóllinn um jafnrétti kynjanna Lög um vernd gegn mismunun á grundvelli kynferðis nær til síðusta stigs tæknifrjóvgunar, þrátt fyrir að viðkomandi aðili hafi ekki verið þungaður í tæknilegum skilningi þegar honum var sagt upp.  Dómurinn sem um ræðir féll í máli konu sem sagt var upp störfum á meðan hún var í veikindaleyfi í tengslum við tæknifrjóvgun sem hún fór í. Vegna þess að konan var ekki enn orðin þunguð þegar henni var sagt upp, áttu lög sem gilda í ESB um vernd ófrískra kvenna ekki við í þessu tilfelli. Evrópudómstóllinn komst hins vegar að þeirri niðurstöðu að lög um jafnrétti kynjanna giltu hins vegar í þessu tilfelli og dæmdi dómstóllinn því konunni í hag.  Lesið nánar um þetta sérstaka mál hér.   Framkvæmdastjórnin veitir bændum í suðurhluta Finnlands undanþágu Framkvæmdastjórn ESB hefur gefið grænt ljós á að veita undanþágu frá almennum skilyrðum um atvinnuþróunarstyrki í ESB fyrir unga finnska bændur sem eru að hefja rekstur. Undanþágan er veitt, þrátt fyrir að bændurnir haldi úti rækt sunnar en það sem venjulegar undanþágur heimila. v Mun undanþágan gilda í takmarkaðan tíma. Markmiðið með undanþágunni er fyrst og fremst að gefa ungum bændum í Finnlandi tækifæri á að standa jafnfætis eldri bændum sem notið hafa góðs af styrkjum sem ekki eru í boði í dag.

Opinber heimsókn Barroso til Noregs Forseti framkvæmdastjórnar ESB, José Manuel Barroso, heimsótti Noreg dagana 25.-26. febrúar. Var Barroso meðal annars ræðumaður á Evrópuráðstefnu norska utanríkisráðuneytisins og fastanefndar ESB í Osló. Aðalumræðuefnið á ráðstefnunni voru umhverfis- og loftslagsmál. Eftir ráðstefnuna var förinni heitið til Svalbarða, þar sem Barroso skoðaði m.a. nýjar frostgeymslur fyrir fræ. Hér má nálgast opnunarræðu  Barroso á ráðstefnunni og einnig myndbandsseríu af ræðum og myndum frá heimsókn Barroso til Noregs.   Framkvæmdastjórnin um félagslegan jöfnuð Framkvæmdastjórn ESB hefur gefið út skýrslu um félagslegan jöfnuð innan ESB. Var þessi skýrsla meginþema á fundi félagsmálaráðherra ESB sem fram fór þann 29. janúar síðastliðinn. Þau atriði sem helst eru talin mega bæta snúa að fátækt meðal eldra fólks og aðstæðum barna frá fátækum fjölskyldum. Lesið nánar hér.   Atvinna og atvinnustig í ESB 2008 Út er komin skýrsla sem fer ofan í saumana á því hvernig ríki ESB eru talin standa sig hvað varðar að ná markmiðum Lissabon áætlunarinnar um atvinnu og atvinnustig.  Í skýrslunni eru birtar úttektir á stöðu mála í hverju og einu ríki ESB og bent á atriði sem betur mega fara. Meðal annars er bent á þá jákvæðu þróun meðal margra ríkja að hafa náð að koma á meiri sveigjanleika á vinnumarkaði. Eitt af því helst er bent á sem betur má fara hjá flestum er að bæta möguleika ungs fólks að komast inn á vinnumarkaðinn. Lesið um skýrsluna hér og nánar um stöðu mála í hverju og einu ríki ESB hér. Ráðstefna um áhrif banka og fjármálastofnana á þróun fjármálakerfisins Evrópusambandið og ríki sem liggja að Miðjarðarhafinu, hafa efnt til ráðstefnu sem miðar að því að skoða hvaða hlutverki bankar og fjármálastofnanir gegna í þróun fjármálakerfisins. Lesið nánar hér.   Joe Borg: Framtíð fiskveiða byggist á virðingu fyrir leikreglum Í vikunni fór Joe Borg sem sér um málefni fiskveiða í framkvæmdastjórninni vel yfir stöðu mála í fiskigeiranum - og var vægast sagt þungur á brún. Borg fór yfir margt af því sem gagnrýnt hefur verið harðlega að undanförnu og benti meðal annars á að fiskveiðistjórnunarkerfi ESB væri einskis virði ef menn virtu ekki leikreglurnar.   Hvers konar hæfniskröfur verða gerðar í framtíðinni ? Cedefop, sem er miðstöð þróunar á sviði verkmenntunar, lagði á dögunum fram niðurstöður víðtækrar úttektar sem m.a. spáir fyrir um það hvers konar leikni og menntunar verður helst krafist af Evrópubúum framtíðarinnar. Spáin nær til ársins 2015 en í henni er m.a. haldið fram að skortur verði á fólki með þjálfun í þjónustugeiranum t.d á heilbrigðissviði, í ferðamennsku, á sviði viðskipta og vöruflutninga. Tuttugu og fimm ESB ríki, auk Noregs og Sviss,  tóku þátt í úttektinni og eru niðurstöðurnar mjög áhugaverð lesning. Nálgist skýrsluna á heimasíðu Cedefop Áhugaverðar útgáfur Smelltu hér til að finna bæklinga og annað upplýsingaefni um ESB

Fastanefnd framkvæmdastjórnar Evrópusambandsins Klingenberggatan 7A, 5. hæð, 0161 Osló, Noregi. Grænt númer: 800 8116. Sími: (+47) 22 83 35 83. Bréfsími: (+47) 22 83 40 55.  Tölvupóstur: europakommisjonen@ec.europa.eu www.esb.is