Fréttabréf fastanefndar framkvæmdastjórnar ESB gagnvart Íslandi og Noregi,   4. desember 2008

Ný bloggfærsla frá Percy Westerlund Percy Westerlund sendiherra fastanefndarinnar hefur sent frá sér nýja bloggfærslu. Þar fjallar hann um áhrif hugsanlegrar aðildarumsóknar Íslands á ESB-umræðuna í Noregi og ólíkar umræðuhefðir í löndunum tveimur. Lesið meira hér.    Fundur með Olli Rehn í Osló  Fastanefndin stendur fyrir fundi með Olli Rehn, framkvæmdastjóra stækkunarmála ESB, í Osló miðvikudaginn 10. desember. Meðal annars verður velt upp spurningunni um hversu langan tíma aðildarsamningar gætu tekið, skyldi Ísland sækja um aðild að ESB. Fjallað verður almennt um næstu skref í stækkunarferli ESB og horfurnar á aðild Tyrklands, Króatíu og annarra ríkja á vestanverðum Balkanskaga. Skráning er til 5. desember á invitasjon@ec.europa.eu eða í síma (+47) 22 83 35 83. Lesið meira hér. Olli Rehn útilokar ekki að Ísland fái aðild á undan Króatíu  Í viðtali við vefsíðuna EurActiv.com útilokar Olli Rehn, framkvæmdastjóri stækkunarmála ESB, ekki að Ísland geti orðið aðildarríki á undan Króatíu, en það myndi velta á framgangi aðildarviðræðna. Búist er við að Króatía fá inngöngu í ESB 2011 eða 2012. Rehn sagði að samningaviðræður við Ísland gætu gengið hratt fyrir sig þar sem Ísland hefði nú þegar tekið upp stóran hluta af löggjöf ESB í gegnum aðild sína að evrópska efnahagssvæðinu. Sjá viðtalið hér.   ESB og Egyptaland skrifa undir orkusamning  Egyptaland og ESB skrifuðu á dögunum undir viljayfirlýsingu um að auka samstarf sitt á sviði orkumála. Egyptaland er mikilvægt í gas- og olíuframleiðslu á Miðjarðarhafssvæðinu og býr yfir miklum tækifærum til að þróa og framleiða endurnýjanlega orkugjafa, t.d. vind- og sólarorku. Lesið meira hér.    Nýjar reglur um tollfrjálsan varning  Þann 1. desember gengu í gildi nýjar reglur varðandi innflutning ferðamanna á tollfrjálsum varningi inn til ríkja ESB.  Þessar reglur gefa ferðamönnum aukið frelsi til að taka með sér ýmsan varning, til að mynda mega þeir nú flytja með sér tvöfalt meira magn af tollfrjálsum vörum og áfengi inn til ríkja ESB en áður. Lesið meira hér.   Loftslagsmál í öndvegi þrátt fyrir efnahagslegar þrengingar   Dagana 1.-12. desember er loftslagsráðstefna SÞ haldin í Poznan í Póllandi. Framkvæmdastjórn ESB stefnir á að halda ótrautt áfram með aðgerðir sínar á sviði umhverfis- og loftslagsmála þrátt fyrir efnahagslegar þrengingar og mun á ráðstefnunni hvetja aðra til að feta sömu braut. Lesið meira hér.   Áætlanir ESB í kjölfar þrenginga á fjármálamarkaði Framkvæmdastjórnin hefur kynnt ítarlega áætlun til að styðja við evrópskt efnahagslíf í kjölfar ólgunnar á fjármálamarkaði: Annars vegar felur áætlunin í sér ýmsar skammtímaaðgerðir sem miða að því að styrkja atvinnuvegi sambandsins. Einnig felur áætlunin í sér hvata um langtímafjárfestingar til dæmis er snúa að menntun og þjálfun. Áætlaður kostnaður er um 200 milljarðar evra, eða 1,5% af sameiginlegri landsframleiðslu ESB. Lesið meira hér.   ESB tekur á kynbundnu ofbeldi  Þann 25. nóvember var alþjóðlegur dagur Sameinuðu þjóðanna gegn kynbundnu ofbeldi. Í tilefni þess undirstrikaði  framkvæmdastjórnin fyrri skuldbindingar sínar hvað þetta málefni varðar. Framkvæmdastjórnin vinnur að gerð heildaráætlunar á þessu sviði í samræmi við ályktanir SÞ nr. 1325 og 1820. Stefnt er að því að ljúka gerð áætlunarinnar fyrir árið 2010. Lesið meira hér.   Norðurheimskautið fangar athygli ESB  Á dögunum var samþykkt orðsending frá framkvæmdastjórninni sem litið er á sem fyrsta skrefið í átt að fullmótaðri stefnu ESB um norðurheimskautið. Orðsendingin undirstrikar áhrif loftslagsbreytinga og mannlegra athafna í þessum heimshluta, og í henni koma fram markvissar tillögur að lausnum við þeim vanda er steðjar að svæðinu. Lesið meira hér.

Áhugaverðar útgáfur Smelltu hér til að finna bæklinga og annað upplýsingaefni um ESB

Til að hætta í áskrift að fréttabréfinu smelltu hér www.esb.is